قنطارقنطار › الأدوات › صندوق أسعار الذهب لموقعك
صندوق أسعار الذهب المجاني لموقعك
لو بتكتب كل يوم خبر «سعر الذهب اليوم»، أو عندك موقع لمحل ذهب وعايز زبونك يشوف السعر قبل ما ييجي، الصندوق ده بيعرض عيار 24 و21 و18 وجنيه الذهب والفضة، بيع وشراء، ووقت آخر تحديث بتوقيت القاهرة. بتحطه مرة واحدة، والأرقام بتتجدّد لوحدها كل ما حد يفتح الصفحة.
اختار الشكل وانسخ الكود
معاينة حيّة بأسعار دلوقتي
الصق الكود في المكان اللي عايز الصندوق يظهر فيه. عرضه بياخد عرض العمود لحد 560 بكسل.
إزاي تحطه في ووردبريس
- في مقال أو صفحة: افتح المحرر، دوس + واختار بلوك «HTML مخصص» (Custom HTML)، والصق الكود، وبص على «معاينة».
- في العمود الجانبي: من المظهر ← الودجات (Appearance ← Widgets) زوّد بلوك «HTML مخصص» والصق كود الحجم الصغير.
- المحرر الكلاسيكي: افتح تبويب «نص» (Text) مش «مرئي» (Visual) قبل ما تلصق، وإلا الكود هيظهر كلام.
- قالب خبر يومي: لو موقعك عنده قالب ثابت لخبر أسعار الذهب، حط الكود فيه مرة واحدة وكل خبر جديد هيطلع بالأسعار الحالية.
ووردبريس على سيرفرك (WordPress.org) بيقبل الكودين. مواقع WordPress.com على الخطط المجانية والصغيرة بتشيل الـ iframe والسكريبت، فالكود هيشتغل من خطة Business وانت طالع. كود السكريبت محتاج حساب «مدير» (Administrator)؛ لو اتشال بعد الحفظ استخدم كود iframe. في Blogger: التخطيط ← إضافة أداة ← HTML/JavaScript. وفي أي موقع تاني: الصق الكود في أي مكان بيقبل HTML.
للصحفيين: خبر سعر الذهب اليومي
بدل ما تنقل الأرقام بإيدك كل صبح وتلاحق التحديثات، حط الصندوق في الخبر واكتب انت السياق والتحليل. الجدول بيعرض آخر سعر وقت ما القارئ يفتح الخبر، حتى لو اتنشر من ساعات، وبيكتب وقت آخر تحديث تحت العنوان. الصندوق بيسأل عن السعر كل 5 دقايق وهو مفتوح، والأسعار نفسها بتتجمّع على مدار اليوم من أكتر من مصدر مصري وبتتقارن ببعض قبل ما تظهر. ولو حبيت تكتب الأرقام في نص الخبر، خدها من صفحة سعر الذهب اليوم.
الشروط
- مجاني لأي موقع، إخباري أو شخصي أو محل، من غير تسجيل.
- سيب المصدر ظاهر: «المصدر: قنطار» جوه الصندوق والرابط اللي تحته يفضلوا زي ما هم، من غير ما تخبيهم أو تغطيهم أو تضيف لهم
nofollow. - ماتعدّلش الأرقام ولا تقدّمها على إنها أسعار محلك أو أسعار رسمية.
- الأسعار استرشادية: متوسط سعر السوق للجرام من غير المصنعية والضريبة، وسعر الصايغ ممكن يختلف. مش نصيحة مالية.
- من غير إعلانات ولا كوكيز ولا تتبع لقرّاءك. بنعدّ بس كام مرة الصندوق ظهر على كل موقع (اسم الموقع فقط).
- ممكن نحسّن الشكل من غير ما تغيّر حاجة في الكود اللي عندك. عندك اقتراح أو مشكلة؟ ابعتلنا على support@qintar.app.
أسئلة شائعة
الصندوق هيبطّأ موقعي؟
لأ. صفحة صغيرة جدًا جوه iframe بتتحمّل بعد صفحتك (loading="lazy")، من غير خطوط خارجية ولا مكتبات ولا إعلانات.
هيبوّظ شكل موقعي؟
لأ. الـ iframe معزول عن تنسيقات موقعك، وعرضه بياخد عرض العمود لحد 560 بكسل للكامل و340 للصغير، وعلى الموبايل بيصغر لوحده.
جنيه الذهب محسوب إزاي؟
الجنيه الذهب 8 جرام عيار 21، فسعره سعر جرام عيار 21 في 8، من غير المصنعية.
ينفع أغيّر الألوان أو أحط أسعار تانية؟
تقدر تختار فاتح أو غامق أو تلقائي، والأسعار اللي تظهر، والحجم، واللغة. لو محتاج حاجة مش موجودة ابعتلنا.
لو الأسعار ماوصلتش؟
الصندوق بيكتب إن الأسعار مش متاحة دلوقتي ورابط لصفحة الأسعار على قنطار، ولو كان عرض أسعار قبل كده بيسيبها ويكتب إنها آخر أسعار متاحة.
Free gold price widget for your site (English)
Show live gold prices in Egypt on any website with one snippet: 24K, 21K, 18K, the gold pound and silver, buy and sell in EGP, with the last update time in Cairo time. Choose English under «لغة الصندوق» above for an English box, then copy the code. It refreshes on its own, has no ads, no cookies and no sign-up.
Terms: free for any site; keep the «Source: Qintar» credit and the link under the box visible and followable; do not alter the numbers; prices are indicative market averages without making charge or VAT, not financial advice. WordPress: add a Custom HTML block and paste the code (WordPress.com needs a Business plan or higher for iframes).
عايز الأسعار على موبايلك كمان؟ تطبيق قنطار فيه أسعار عيار 24 و21 و18 والفضة بيع وشراء، وتنبيه لما السعر يوصل للرقم اللي عايزه، وممتلكاتك بسعر اليوم. مجاني ومن غير إعلانات.
الأسعار استرشادية ولا تُعدّ نصيحة مالية أو فتوى.